Pantun Lampung

LAMON HATI MAK PELIK
SIKAM HAGA BETAMU
SALAM GUAI SEKELIK
SAI HAGA SINGGAH MIT POK KU

LAMON NINUK MULI NGELAMUN

HIBUR YA GEGOH SANG RATU PUTRI

DEBAH JI WAT SECUTIK PATTUN

GUAI DIBACA SEKELIK JAMA PUAKHI

BULAN PURNAMA TEKHANG CUACA

NYINAKHI BUMI KAK TIGOH PAGI

SENI BUDAYA PATUT TEBINA

LAMPUNG ASLI SUPA LESTAKHI

ANJAK YOGYA KHAM KHISOK TUNGGA

KHATONG CAKAK BIS NGEBELI TAPIS

CENDERA MATA NGEBA KHAM BANGGA

DIUSUNG TURIS TIGOH PRANCIS

BATANG HAKHI WAI LUMPU

DISAN BUAI PEMUKA

SEMENGKUK BARADATU

BARASAKTI BEHUGA

DI BATANG HAKHI ABUNG

ASAL SIWA MEKHEGA

AKHIR SEMAPU TUNGGU

NUTUK WAI PUTIH GANTA

DI BATANG HAKHI SUNGKAI

MUAKHA UJUNG KARANG

DELOM WAT PAKSI SUMBAI

MEKHEGA BUNGA MAYANG

WAI RARROM TULANGBAWANG

DISAN WAT PAK MEKHEGA

MESUJI KAK BELAKANG

MULA GANTA KAK LIMA

NUTUK WAI PENGUBUAN

GANTA KHUA MEKHEGA

ASAL TELLU PUBIAN

MEKHEGA ANAK TUHA

DI BATANG HAKHI SEKAMPUNG

KHAJA TIMBAI BUDIKHI

DUNGGAK DI LIBA ABUNG

DI TENGAH BUNGKUK JADI

SAI CAK HUN MENNA SINA

MIKHUL SAI ANJAK RANAU

TIYUH KEDAMAIAN JIBANA

TUKHUNAN RATU BALAU

NAYAH MUNIH MUKHEGA

KHADU BUDIKHI SAYAN

JAK GISTING SANG UTARA

MUNIH PAGUN PUBIAN

ANJAK MEKHEGA WAI SEMAH

TIGOH MEKEGA PUGUNG

PUBIAN SANGGUN NAYAH

MULA JADI TELLU KHUNG

MERINGGAI KALIANDAK

LAMUN NUTUK BEKHITA

HUN RATU ADIK KAKAK

KHATING JAK TANOH JAWA

LIWA NAJIN KOMEKHING

ASLI LAMPUNG JAK TIMBAI

MIKHUL UMPU SERUTTING

MEKHEGA PAKSI SUMBAI

KERUI SAMPAI LENTERA

TIGOH DI KUTA AGUNG

PUNTUH KHATAI MEKHEGA

PUSISIR CAWA LAMPUNG