KITAPUN RIWAYAT LAMPUNG

DASAR SIJI CEKHITA

CAK HULUN TIMBAI-TIMBAI

LAMPUNG KHETINI MAKHGHA

SEBAB ASAL LAIN SAI

KUMPULAN NAYAH LAMPUNG

JUK DIWAN CAWA GANTA

MULA BUJENONG LAMPUNG

KUMPULAN TUHA KHAJA

JAK BUGIS NAJIN JAWA

KHATONG MAWAT BETUMPAK

BEMACOM-MACOM SUKU

ASAL LAMPUNG SEMULA

TIYUH SEKALA BEKHAK

PANGKAL JADI PADUAN

NANTUKON CAKHA KINDAK

MULA BUKHAPOT DISAN (TH 101)

JAK PIKHA MACOM SUKU

MUFAKAT TUHA KHAJA

NETOPKON CAKHA LAHGU

KEBULATAN LAMPUNG SA

BAKHONG SIDING SELESAI

NETOPKON RATU-RATU

ASAL LAMPUNG LAIN SAI

LAMPUNG KHADU BERSATU

PUTUSAN NOMOR SATU

SUKHAT LAMPUNG CUKHAK SAI

BAHASA JAMA LAKU

NETOP DIBIDANG SUMBAI

GEKHAL ADOK WAT LIWIN

PUTUSAN WAKTU DISAN

LAIN DALOM KHIK BATIN

NGADIKA JAMA SUNTAN

ADAT SEMAPU TUNGGU

DIMASING-MASING SUMBAI

JADI MAK DAPOK NGAKU

LOM LAMPUNG KHAJA PESAI

KEBULATAN BAHASA

SUKHAT LAMPUNG WAT PESAI

SUKU JAMA MAKHGA

PAKSI RATU KHIK SUMBAI

MASING-MASING ANGGOTA

KAK NETOP NGATOKH PESAI

IA DAPOK NGAKU KHAJA

LOM TIYAN SANGA BUAI

KESENIAN KAK BUNYI

PUTUSAN WAKTU SIDANG

REDAP GINDANG KHIK BANDI

GAWI MAKAI KULINTANG

BALIK PAKHA ANGGOTA

KUMPULAN KAK SELESAI

NUJUNGAN ASAL MULA

KHANGLAYA NILAGI WAI

BATANG HAKHI WAI LUMPU

DISAN BUAI PEMUKA

SEMENGKUK BARADATU

BARASAKTI BEHUGA

DI BATANG HAKHI ABUNG

ASAL SIWA MEKHEGA

AKHIR SEMAPU TUNGGU

NUTUK WAI PUTIH GANTA

DI BATANG HAKHI SUNGKAI

MUAKHA UJUNG KARANG

DELOM WAT PAKSI SUMBAI

MEKHEGA BUNGA MAYANG

WAI RARROM TULANGBAWANG

DISAN WAT PAK MEKHEGA

MESUJI KAK BELAKANG

MULA GANTA KAK LIMA

NUTUK WAI PENGUBUAN

GANTA KHUA MEKHEGA

ASAL TELLU PUBIAN

MEKHEGA ANAK TUHA

DI BATANG HAKHI SEKAMPUNG

KHAJA TIMBAI BUDIKHI

DUNGGAK DI LIBA ABUNG

DI TENGAH BUNGKUK JADI

SAI CAK HUN MENNA SINA

MIKHUL SAI ANJAK RANAU

TIYUH KEDAMAIAN JIBANA

TUKHUNAN RATU BALAU

NAYAH MUNIH MUKHEGA

KHADU BUDIKHI SAYAN

JAK GISTING SANG UTARA

MUNIH PAGUN PUBIAN

ANJAK MEKHEGA WAI SEMAH

TIGOH MEKEGA PUGUNG

PUBIAN SANGGUN NAYAH

MULA JADI TELLU KHUNG

MERINGGAI KALIANDAK

LAMUN NUTUK BEKHITA

HUN RATU ADIK KAKAK

KHATING JAK TANOH JAWA

LIWA NAJIN KOMEKHING

ASLI LAMPUNG JAK TIMBAI

MIKHUL UMPU SERUTTING

MEKHEGA PAKSI SUMBAI

KERUI SAMPAI LENTERA

TIGOH DI KUTA AGUNG

PUNTUH KHATAI MEKHEGA

PUSISIR CAWA LAMPUNG

LAMPUNG SAI KHUA JUKHAI

SEBATIN KHIK PEPADUN

KETUA UMUM LAMPUNG SAI

BUAI NUWAT KEDATUN

MAHAP JAMA SEGALA

LAMUN WAT KETINGGALAN

DASAR SIJI CEKHITA

PENGAKHANG MAWAT TENGAN

(SUMBER RIWAYAT DISUSUN

JAMA:  BASARI HAMID

ADOK: DALEM SUKO RATU

LABUHAN RATU)

LABUHAN RATU,

BASRI HAMID

Arsip diperoleh

Anjak: SUBANDI ZAKARIA

Adok: KANJANG SUNTAN

DI TIUH KEJADIAN